NEW Train Timing - 2018

புதிய ரயில்வே கால அட்டவணையை ஐ.ஆர்.சி.டி.சி. வெளியிட்டுள்ளது.

புதிய ரயில் அட்டவணை : நடப்பாண்டிற்கான புதிய ரயில் அட்டவணையை தெற்கு ரயில்வே வெளியிட்டுள்ளது. அதே போல் ரயில்கள் புறப்படும்ம் நேரமும் மாற்றப்பட்டுள்ளது.

கடந்த 2017-ம் ஆண்டு வெளியிடப்பட்ட ரயில்வே கால அட்டவணை ஜூன் மாதத்துடன் முடிவடைந்தது.இருப்பினும் புதிய ரயில்வே அட்டவணை தயாரிப்பதில் தாமதம் ஏற்பட்டதால், ஆகஸ்டு 14 வரை பழைய அட்டவணை நீட்டிக்கப்பட்டது. இந்நிலையில் புதிய ரயில்வே கால அட்டவணையை ஐ.ஆர்.சி.டி.சி. வெளியிட்டுள்ளது.

இந்தப் புதிய கால அட்டவணை நாளை முதல் நடைமுறைக்கு வரும் என்றும் தெற்கு ரயில்வே அறிவித்துள்ளது. இந்த ரயில் அட்டவணைப்படி, பல ரயில்களின் நேரம் மாற்றி அமைக்கப்பட்டுள்ளது. சில முக்கிய ரயில்களின் வேகம் அதிகரிக்கப்பட்டுள்ளது.

அதே போல் புதிய ரயில் அட்டவணையைப் புத்தகமாக அச்சிடும் பணி மும்பையில் தீவிரமாக நடைப்பெற்று வருகிறது. இன்னும் ஒருவாரத்தில் இந்த அட்டவணை புத்தக வடிவில் ரயில் நிலையங்களில் விற்பனைக்கு வரும் என்றும் தகவல்கள் வெளியாகியுள்ளன.

புதிய ரயில் அட்டவணையில் மாற்றப்பட்டுள்ள ரயில்களின் விபரங்கள்:

1. சென்னை எழும்பூர் – செங்கோட்டை விரைவு ரயில் இரவு 8.20 மணிக்கு பதிலாக, 8.40 மணிக்கு புறப்படும்.

2. சென்னை எழும்பூர் – திருச்சி சோழன் விரைவு ரயில் காலை 8.30 மணிக்கு பதிலாக 8.00 மணிக்கு புறப்படும்.

3. திருச்சி-நாகூர் விரைவு பயணிகள் ரயில் காரைக்கால் வரை நீட்டிக்கப்படும்.

4. தாம்பரம் – செங்கோட்டை இடையே புதிய முன்பதிவில்லாத அந்தியோதயா விரைவு ரயில் தினசரி காலை 7 மணிக்கு இயக்கப்படும்.

5.நாகர்கோவில்-மும்பை விரைவு ரயில், தாம்பரம்-நெல்லை அந்தியோதியா ரயில், பாண்டியன் விரைவு ரயில், சிலம்பு விரைவு ரயில், திருச்செந்தூர் விரைவு ரயில், நெல்லை விரைவு ரயில்களின் வேகம் அதிகரிக்கப்பட்டுள்ளது.

6. செங்கல்பட்டு – கச்சிகுடா விரைவு ரயில் மாலை 5.00 மணிக்கு பதிலாக 4.45 மணிக்கு புறப்படும்.

7. கவுகாத்தி மற்றும் திப்ரூகர் விரைவு ரயில்கள் தாம்பரம் வரை நீட்டிக்கப்பட்டுள்ளது.

www.cgepa.blogspot.com

54ஆயிரம் ஊழியர்கள் வேலை இழக்கும் அபாயம் - BSNL ன் பரிதாபங்கள்

இந்திய தொலை தொடர்பு துறையின் முக்கிய நிறுவனமான BSNL ன் 54 ஆயிரம் தொழிலாளர்களை கட்டாய விடுப்பில் வீட்டுக்கு அனுப்பும் திட்டமானது விரைவில் நடைபெறும் என எதிர்பார்க்க படுகிறது

கடந்த பிப்ரவரி முதல் சம்பள பட்டுவாடா செய்யாமல் இழுத்தடித்த நிர்வாகம் மத்திய அரசின் அறிவுரை படி தற்போது வழங்கபட்டுள்ளது .

இந்திய தொலைதொடர்பில் கால் பதிக்க ஆரம்பித்த ஜியோவை கண்டு பயந்த ஏர்டெல் .வோடபோன் நிறுவனங்கள் வர்த்கத்தில் சரிவை சந்தித்து அதே போல பொது துறை நிறுவனமான BSNL மாபெரும் சரிவை சந்தித்து கடந்த 2017-18 நிதியாண்டில் 31.287 கோடி இழப்பை சந்தித்துள்ளது

அதுமட்டுமல்லாமல் சம்பளம் கொடுக்க முடியாத நிலைக்கு தள்ளபட்டுள்ளது இந்நிலை தொலைதொடர்பு வரலாற்றில் முதன்முறை என சொல்லபடுகிறது

இந்நிலையில் தொலைதொடர்பு செயலாளர் அருணா சுந்தர்ராஜன் உயர்மட்ட அதிகாரிகளோடு ஆலோசனை நடத்தினார். அதில் இந்நிறுவனத்தை மீண்டு வர பல ஆலோசனைகள் வழங்கியுள்ளதாக தெரிகிறது

அந்த அடிப்படையில் ஊழியர்களை கட்டாய விடுப்பில் அனுப்பலாமா
அல்லது BSNL நிறுவனத்தை விரிவுபடுத்தி வாடிக்கையாளர்களை கவர திட்டங்கள் வரும் என எதிர்பார்க்கபடுகிறது
தேர்தல் முடியும் வரை மத்திய அரசு பாதுக்காப்பில் தொலை தொடர்பு நிறுவனம் இயங்கும் .